اسلام آباد (اسپیشل رپورٹر) پاکستان نے ٹیلی کمیونیکیشن کے شعبے میں ایک اور اہم کامیابی حاصل کر لی ہے۔ پاکستان ٹیلی کمیونیکیشن اتھارٹی (پی ٹی اے) نے اعلان کیا ہے کہ ملک بھر میں موبائل صارفین کی تعداد 200 ملین سے تجاوز کر گئی ہے، جو ایک بڑی پیش رفت ہے۔

اس موقع پر خوشی کا اظہار کرتے ہوئے پی ٹی اے نے 20 جون 2025 کو صارفین کے لیے ایک خصوصی مفت پیشکش کا اعلان کیا ہے۔ جاری کردہ اعلامیے کے مطابق، تمام موبائل صارفین کو ایک دن کے لیے 2 جی بی انٹرنیٹ ڈیٹا اور 200 آن نیٹ منٹس مفت فراہم کیے جائیں گے۔

یہ سہولت صرف 24 گھنٹوں کے لیے دستیاب ہوگی اور اس سے فائدہ اٹھانے کے لیے صارفین کو *#2200# ڈائل کرنا ہوگا، چاہے وہ کسی بھی موبائل نیٹ ورک کا استعمال کر رہے ہوں۔

پی ٹی اے کا کہنا ہے کہ یہ اقدام نہ صرف صارفین کے اعتماد کا اعتراف ہے بلکہ ڈیجیٹل پاکستان کے ویژن کی جانب ایک اور اہم قدم بھی ہے۔