ممبئی(نیوز ڈیسک) بولی ووڈ کی آئٹم گرل راکھی ساونت کا کہنا ہے کہ انھیں متنازعہ شخصیت کہلانا بہت پسند ہے۔اداکارہ کا کہنا ہے کہ وہ ہمیشہ وہی بولتی جو انکے ذہن میں چل رہا ہوتا ہے۔واضح رہے راکھی ساونت اپنے بولڈ بیانات کی وجہ سے اکثر اوقات شہہ سرخیوں کا حصہ بنی رہتی ہیں۔انھوں نے اپنے حالیہ انٹرویو کے دوران میڈیا سے گفتگو کرتے ہوئے کہا کہ انھیں صرف یہ ہی پسند نہیں کہ لوگ انھیں متازعہ شخصیت سمجھتے ہیں ، بلکہ انھیں اس وقت ذیادہ اچھا محسوس ہوتا ہے جب انھیں تنازعات کی ملکہ کے خطاب سے نوازا جاتا ہے۔انکا مزید کہناتھا کہ لوگ ہمیشہ انھیں انکی حقیقی زندگی میں دیکھنا چاہتے ہیں ،لہٰذااسی طرح عوام کے سامنے آنا پسند کرتی ہیں جیسی وہ حقیقتاً ہیں۔اداکارہ راکھی کا کہنا ہے کہ وہ بہت جلدروہت رائے کے فیملی گیم شو ”ڈیل آر نو ڈیل“ میں نظر آئیں گی۔ رپورٹ کے مطابق اداکارہ کا فیملی گیم شو اتوار کے روز سے بھارتی نجی ٹی وی چینل سے نشر کیا جائے گا۔علاوہ ازیں انھوں نے بتایا کہ انکی نئی آنے والی فلم ”ایک کہانی جولی کی“ ہے۔ مذکورہ فلم بنیادی طور پر شینا بورا قتل کیس پر بنائی جارہی ہے۔ایک کہانی جولی کی میں راکھی ساونت ، اندرانی مکھرجی کے متنازعہ کردار میں نطر آئیں گی۔