اسلام آباد (نیوز ڈیسک ) بھارت ویب سائٹ نے دعویٰ کیا ہے کہ بالی وڈ کی خوبرواداکارہ کترینہ کیف نے کام کا بوجھ کم کرکے شادی کی تیاریاں شروع کردی ہیں۔کترینہ کیف اور رنبیر کپور بالی وڈ کی سب سے زیادہ پسند کی جانے والی جوڑی ہیں اورانہیں اکھٹے اسکرین پر جلوہ گر ہونے پر بے پناہ پذیرائی اور ستائش ملتی ہے اورہوسکتا ہے کہ عنقریپ ان دونوں کی جانب سے فلم مداحوں کو خوشخبری ملے۔بھارتی ویب سائٹ نے دعویٰ کیا ہے کہ کترینہ کپورآج کل مزید فلمیں لینے سے انکاری ہیں تاکہ ان پر کام کا دباو¿ کم ہوسکے۔ افواہیں گردش میں ہیں کہ اس کا سبب یہ ہے کہ انہوں نے رنبیر کپورکے ساتھ شادی کا فیصلہ کرلیا ہے۔کترینہ کپور نے حال میں ہی جیکی چن کے ساتھ کنگ فو پانڈا نامی فلم کے کئے منع کیا ہے جو کہ ان کے لئے انتہائی منعفت بخش ثابت ہوتی اور اس کے ساتھ ہی انہوں نے روہت شیٹھی کی فلم ”دل والے“، سنجے لیلابھنسالی کی فلم ”باجی راو¿ مستانی“ اور اشوتوش گوارکر کی فلم ”موہن جو دڑو“ میں بھی کام کرنے سے انکار کیا ہے۔کترینہ کی ایک قریبی دوست نے شادی کی خبر کے بارے میں لاعلمی کا اظہار کرتے ہوئے کہ ” یہ تو ہم جانتے ہیں کہ وہ کم رولز قبول کررہی ہیں لیکن اس کی وجہ سے لاعلم ہیں“۔اب ہم کترینہ کیف کو رنبیر کپور کے ہمراہ شادی کے بندھن میں اس سال بندھتے دیکھیں یا اگلے سال یہ تو وقت بتائے گا لیکن کترینہ اتنے بڑے بڑے کردارمحض کسی عام سی وجہ کے سبب تو رد نہیں کررہیں۔