ممبئی۔۔۔۔بالی وڈ کے معروف اداکار عامر خان نے کہا ہے کہ فلموں کی کمائی کے بارے میں جو اعداد و شمار بتائے جاتے ہیں ان میں 99 فی صد جھوٹ ہوتے ہیں۔انھوں نے کہا: ’میں آپ سب سے درخواست کرتا ہوں کہ آپ سب لوگ میرا نام لے کر یہ بات لکھیے گا۔ 99 فیصد کے اعداد و شمار جو عوام کو بتائے جاتے ہیں کہ اس فلم نے اتنے پیسے کمائے، اس نے اتنے، وہ سب غلط ہیں۔ یہ میں اپنے تجربے کی بنیاد پر کہہ رہا ہوں۔ آج کل تو بہت سارے ناشر ایسے بھی ہیں جو اپنے اداریوں کو بھی فروخت کرتے ہیں۔‘عامر خان نے اپنی فلم ’پی کے‘ کی ریلیز کے بعد یہ باتیں کہیں۔ اس سے قبل ان کی فلم دھوم تھری کے بارے میں کہا گیا تھا کہ اس نے 500 کروڑ کی کمائی کی تھی اور تاریخ بنائی تھی۔سچن تندولکر کے لیے فلم کی خصوصی سکریننگ کی گئی تھی انہوں نے مزید کہا: ’عوام کو یہ علم ہونا چاہیے کہ فلموں کے اعداد و شمار بالکل غلط ہوتے ہیں۔‘راجکمار ہیران کی ہدایت کردہ فلم ’پی کے‘ کو فلم ناقدین نے سراہا ہے اوراطلاعات کے مطابق وہ اچھا بزنس کر رہی ہے۔فلم ’تھری ایڈیئٹس‘ میں کام کرنے کے بعد عامر نے ’پی کے‘ میں راجکمار ہیران کے ساتھ ساتھ دوسری بار کام کیا ہے اور انوشہا شرما کے ساتھ پہلی بار۔
فلم ’تھری ایڈیئٹس‘ میں کام کرنے کے بعد عامر نے ’پی کے‘ میں راجکمار ہیرانہ کے ساتھ ساتھ دوسری بار کام کیا ہے۔ہیران کے بارے میں عامر نے کہا: ’راجو کی ساری فلمیں ڈراما ہوتی ہیں اور وہ اپنی فلموں میں بہت سی سنجیدہ باتیں کہہ جاتے ہیں۔ اپنی بات کہنے کے لیے وہ جس چیز کا سہارا لیتے ہیں اس میں مزاح ہوتا ہے اور وہ دلچسپی سے خالی نہیں ہوتا۔‘انوشہا کے بارے میں عامر نے کہا: ’اس فلم میں انوشہا نے بہت ہی عمدہ اداکاری کی ہے۔ مجھے ان کی وگ سے کوئی پریشانی نہیں تھی۔ انھوں نے اور راجو نے اس کردار کے لیے بہت محنت کی ہے۔ انوشہا بہت محنتی اداہارہ ہیں۔‘پیاسا بالی وڈ کی یادگار ترین فلموں میں شمار ہوتی ہے۔عامر خان کو یوں تو کئی فلمیں پسند ہیں اور ان کی پسندیدہ فلموں میں سے ایک گرودت کی فلم ’پیاسا‘ ہے۔’پیاسا‘ کے وہ کون سے حصے ہیں جو عامر کو بے حد پسند ہیں؟اس بارے میں عامر کہتے ہیں: ’مجھے سب سے زیادہ وہ منظر پسند ہے جس میں وحیدہ رحمان رات کو گاڑی سے لڑکھڑاتی ہوئی اترتی ہیں اور کہتی ہیں کہ کم سے کم پیسے تو دے دے۔ اس کے بعد وہ بغیر کچھ کہے نکل جاتی ہیں۔ یہ سب وہاں موجود پولیس والے دیکھ رہے ہوتے ہیں اور وہ وحیدہ کا پیچھا کرنے لگتے ہیں۔ آگے ان کی گرودت سے ٹکر ہو جاتی ہے اور وہ بھانپ جاتے ہیں کہ پولیس والے وحیدہ جی کا پیچھا کر رہے ہیں، وہ پولیس والوں سے کہتے ہیں کہ ’یہ میری بیوی ہیں۔‘