پشاور: آرمی پبلک اسکول پرحملے کی اطلاع 28اگست کونیشنل کائونٹر ٹیررازم اتھارٹی (نیکٹا) نے دی تھی۔

تاہم اس کے باوجودپولیس اورایف سی سمیت تمام سیکیورٹی فورسزنے اطلاع کو نظرانداز کردیا۔ نیکٹاکے ڈائریکٹر آپریشن عبیداللہ فاروق ملک کی طرف سے ہوم سیکریٹری اور انسپکٹرجنرل پولیس خیبرپختونخوا، انسپکٹرجنرل ایف سی خیبرپختونخوا، ایڈیشنل چیف سیکریٹری فاٹااور کمانڈنٹ فرنٹیئرکانسٹیبلری کولیٹر نمبر802 کے عنوان اورمراسلہ نمبر3/9/2012-(ops)-8141(1) کے تحت اطلاع میں بتایا گیا تھاکہ تحریک طالبان اورکزئی ایجنسی کے خاکسارامیر نے بلال ارہابی اور عبیداللہ کے ساتھ مل کرپورے ملک اور بالخصوص خیبرپختونخوا میں آرمی پبلک اسکول، کالجزاور دیگرتعلیمی اداروں پرحملہ کرنے کا منصوبہ بنایا ہے۔

لہذااس حوالے سے سیکیورٹی کے سخت انتظامات کیے جائیں۔ مراسلے کی کاپی ایوان صدر، وزیراعظم ہائوس، نیشنل کوآرڈینیٹرنیکٹا سمیت ملک کے تمام انٹیلی جنس اداروں، وزارت دفاع، پی ایس ٹو وزیراعلیٰ سندھ، وزارت داخلہ کوبھجوائی گئی۔