لاہور( این این آئی)صوبائی دارالحکومت لاہور کے علاقے برکی میں ڈاکوئوں نے بینک لوٹ لیا۔تفصیلات کے مطابق تھانہ برکی کی حدود میں پانچ ڈاکوئوں نے نجی بینک میں لوٹ مار کی، ڈاکوں نے سکیورٹی گارڈ منور اور سہیل سے اسلحہ چھین کر عملے کو یرغمال بنایا۔
پولیس کے مطابق ڈاکوئوں نے بینک سے ایک کروڑ سے زائد رقم لوٹ لی، ڈاکوئوں نے بینک میں موجود شہری عمران سے 41 لاکھ سمیت بینک سے 60 لاکھ لوٹ لئے۔مزاحمت پر ڈاکوئوں کے تشدد سے سکیورٹی گارڈ منور زخمی ہوا، ڈاکو فرار ہوتے سکیورٹی گارڈز سے اسلحہ بھی لے گئے۔اطلاع ملتے ہی پولیس کے اعلیٰ افسران موقع پر پہنچ گئے اور عملے کے بیانات قلمبند کرنے کے بعد ڈاکوئوں کی تلاش شروع کر دی گئی ۔
