کراچی (این این آئی)پاکستانی نوجوان بیٹسمین بابر اعظم نے کہا ہے کہ ویرات کوہلی سے میرا موازنہ نہ کیا جائے ٗ بھارت کی رن مشین سے ان کا کوئی مقابلہ نہیں ٗ میرے کیریئر کی ابھی ابتداء ہے ٗ انڈین کپتان عظیم بیٹسمین ہیں تاہم ان جیسا کہلایا جانا بہت اچھا لگتا ہے۔ٹوئٹر پر ہونے والے ایک چیٹ سیشن کے دوران کسی پرستار نے نوجوان پاکستانی بیٹسمین بابر اعظم سے سوال کیا کہ جب انہیں پاکستان کا ویرات کوہلی کہا جائے تو کیسا لگتا ہے

ٗقومی بیٹسمین نے فوری جواب دیا کہ ان کا بھارتی کپتان سے کوئی مقابلہ نہیں کیونکہ ویرات کوہلی ایک عظیم بیٹسمین اور رن مشین ہیں جبکہ انہوں نے تو ابھی کیریئر کا آغاز ہی کیا ہے تاہم یہ ایک علیحدہ بات کہ ان جیسا کہلایا جانا بہت اچھا لگتا ہے۔یاد رہے کہ گزشتہ برس پاکستانی ٹیم کے ہیڈ کوچ مکی آرتھر نے بھی اپنے ایک بیان میں اس بات کی نشاندہی کی تھی کہ بائیس سالہ کھلاڑی کو دیکھ کر ویرات کوہلی کی یاد آجاتی ہے جو اس عمر میں اتنے ہی اچھے بیٹسمین تھے۔

موضوعات:بابر اعظم