لاہور/اسلام آباد(آئی این پی)پاکستان کر کٹ بورڈ کے چیئر مین شہریار خان نے اپنا استعفیٰ وزیر اعظم ہاؤس بھجوا دیا ہے، ساتھ ہی انہوں نے اس خواہش کا بھی اظہار کیا ہے کہ انہیں 30اپریل 2017ء تک کام کرنے دیا جائے،اس کی وجہ یہ ہے کہ شہریار خان چاہتے ہیں کہ دبئی میں 24تا 27اپریل ہونے والے آئی سی سی اجلاس میں بطور چیئرمین پی سی بی شرکت کرسکیں۔نوابزادہ شہریار محمد خان سمجھتے ہیں کہ آئی سی سی اجلاس

میں بھارتی سیریز کے حوالے سے قانونی چارہ جوئی اور بگ تھری پر ہونے والی گفتگو میں ان کی موجودگی اہم ثابت ہو گی۔توقع یہی ہے کہ 24اپریل کو دبئی میں شروع ہونے والے آئی سی سی اجلاس میں شہریار خان ہی بحیثیت چیئر مین ،پی سی بی کے نمائندے ہوں گے۔ اہم بات یہ ہے کہ مئی میں بحیثیت چیئرمین پاکستان کرکٹ بورڈ عہدے سے سبکدوش ہو جا نے والے شہریار خان کی مدت ملازمت اس سال اگست میں ختم ہوگی،۔

موضوعات:پاکستان کر کٹ بورڈ