لاہور(آئی این پی)پاکستان سپر لیگ کے فائنل کی قذافی سٹیڈیم میں ہونے والی اختتامی تقریب میں معروف پاکستانی گلوکار علی ظفر اور علی عظمت پرفارم کریں گے۔تفصیلات کے مطابق قذافی سٹیڈیم میں پی ایس ایل کے فائنل کی تیاریاں آخری مراحل میں داخل ہوگئی ہیں، پاکستان سپر لیگ کی رنگا رنگ اختتامی تقریب 5 مارچ کو قذافی سٹیڈیم میں ہوگی،

جس میں علی ظفر اور علی عظمت پرفارم کریں گے، اس کے علاوہ تقریب کو مزید دلچسپ بنانے کیلئے علاقائی رقص اور ڈھول پر فارمنس بھی ہوگی۔پی ایس ایل کے فائنل کی اختتامی تقریب کا انتظام دبئی کی ٹرانس میڈیا نامی کمپنی کررہی ہے، اختتامی تقریب 6بجے شروع ہوگی جبکہ میچ رات 8بجے شروع ہوگا۔