لاہور( مانیٹرنگ ڈیسک)قومی ٹیم کے مایہ ناز آل راؤنڈر محمد حفیظ پر آئی سی سی کی جانب بالنگ کرانے پرعائد ایک سال کی پابندی گزشتہ روز ختم ہو گئی ، ایک سال قبل سری لنکا کے خلاف میچ میں محمد حفیظ کا باؤلنگ ایکشن مشکوک قرار دیا گیا تھا اور بائیو مکینک ٹیسٹ میں ناکامی کے بعد آئی سی سی نے آل راؤنڈر کے باؤلنگ کرانے پر ایک سال کی پابندی عائد کردی جو گزشتہ روزختم ہو گی ۔
محمد حفیظ نے انگلینڈ میں ٹریننگ کیمپ کے دوران بھرپور باؤلنگ پریکٹس کی لیکن آئی سی سی کے سرکاری ٹیسٹ سے پہلے وہ ایک بار نجی طور پر ٹیسٹ کرانا چاہتے ہیں ۔ ذرائع کے مطابق محمد حفیظ کے باؤلنگ ایکشن ٹیسٹ کے حوالے سے ٹیم مینجمنٹ لارڈز ٹیسٹ کے بعد حتمی فیصلہ کرے گی۔