لندن (آئی این پی)سپاٹ فکسنگ سکینڈل میں سزا مکمل کرنے والے محمد عامر نے انگلش کپتان کو تنقید کا جواب کارکردگی سے دیدیا،6برس بعد ٹیسٹ کرکٹ میں واپسی کے موقع پر محمد عامر نے اپنی پہلی وکٹ حاصل کر لی ہے۔ تفصیلات کے مطابق پاکستان اور انگلینڈ کے درمیان لارڈز میں کھیلے جانے والا ٹیسٹ میچ جاری ہے۔ نوجوان پاکستانی تیز گیند باز 6 برس بعد ٹیسٹ کرکٹ میں واپسی کر رہے ہیں اور اس میچ میں حصہ لے رہے ہیں۔اس موقع پر محمد عامر نے اپنی پہلی وکٹ حاصل کر لی ہے۔ محمد عامر نے انگلش کپتان الیسٹر کک کو بولڈ کرکے 6 برس بعد اپنی پہلی ٹیسٹ وکٹ حاصل کی۔ اس سے قبل محمد عامر کی ہپی گیندوں پر محد حفیظ اور سرفراز احمد کی جانب سے الیسٹر کک کے 2 کیچز ڈراپ کر دیے گئے تھے۔