نیو پورٹ(آئی این پی )پاکستان اے کرکٹ ٹیم نے ایک روزہ ٹور میچ میں انگلش کاؤنٹی ٹیم گلیمورگن کو 123رنز سے شکست دے دی ۔ گلیمورگن کی ٹیم 328رنز کے ہدف کے تعاقب میں 45.2اوورز میں 204رنز بنا کر آؤٹ ہو گئی۔ گلیمورگن کی جانب سے ولیم بریگ 61،اینڈریوسیلٹر51اورآؤن مورگن 29رنز بنا کر نمایاں بلے باز رہے ۔ پاکستان اے کی جانب سے محمد عباس ، محمد اصغر ،بلاول بھٹی اور بابر اعظم نے 2,2 جبکہ حسن علی اور محمد نواز نے 1,1کھلاڑی کو آؤٹ کیا۔ تفصیلات کے مطابق جمعہ کو نیوپورٹ سٹی میں سپیٹی پارک میں کھیلے گئے پاکستان اے اور گلیمورگن کے مابین ایک روزہ ٹوورمیچ میں گلیمورگن نے ٹاس جیت کر پہلے پاکستان اے کو بیٹنگ کی دعوت دی ۔ پاکستان اے نے مقررہ 50اوورز میں 9وکٹوں کے نقصان پر 327رنز بنائے ۔ پاکستان کی جانب سے بابر اعظم نے 127گیندوں پر 12چوکوں کی مدد سے 119رنز بنائے جبکہ عبدالرحمان مذمل 65،محمد نواز55،فخر زمان27رنز بنا کر نمایاں بلے باز رہے ۔ جواب میں گلیمورگن کی ٹیم 328رنز کے تعاقب میں 45.2اوورز میں 204رنز بنا کر آؤٹ ہو گئی۔ گلیمورگن کی جانب سے ولیم بریگ 61،اینڈریوسیلٹر51اورآؤن مورگن 29رنز بنا کر نمایاں بلے باز رہے ۔ پاکستان اے کی جانب سے محمد عباس ، محمد اصغر ،بلاول بھٹی اور بابر اعظم نے 2,2 جبکہ حسن علی اور محمد نواز نے 1,1کھلاڑی کو آؤٹ کیا۔