لاہور(نیو ز ڈیسک) ایشیا کپ ٹی ٹونٹی اور ورلڈ ٹی ٹونٹی ‘ کھلاڑیوں کے انتخاب کیلئے مشاورت مکمل۔سلیکٹرز نے احمد شہزاد کی ناقص کارکردگی کے باعث ان کا نام ابتدائی فہرست سے ڈراپ کر دیا جبکہ سلیکٹرز نے احمد شہزاد کی جگہ کامران اکمل اور شرجیل خان کو سکواڈ میں شامل کرنے پر غور شروع کردیاہے۔ آفریدی نے بھی اوپنر کی ناقص پرفارمنس کے باعث ان کے سر سے دست شفقت ہٹا لیا ہے ،سلیکٹرز کی جانب سے نوجوان اوپنر کے بارے میں پوچھے گئے سوال پر آفریدی کا کہنا تھا کہ ان کے لیے ورلڈ کپ جیتنا اہم ہے اس لیے انہیں پرفارم نہ کرنے والے کھلاڑیوں کی ضرورت نہیں ہے۔