اوکاڑہ (نیوز ڈیسک)پاکستان کی سب سے پہلی ٹیسٹ کرکٹ ٹیم میں شامل کھلاڑی اسرار علی انتقال کرگئے ۔ متوفی اکتوبر 1952 ءمیں پاکستان کا اولین ٹیسٹ کھیلنے والی ٹیم میں شامل تھے جبکہ ان کی عمر 88 سال تھی ۔ انہوں نے چار ٹیسٹ میچوں میں پاکستان کی نمائند گی کی جبکہ 1959 ءمیں آسٹریلوی ٹیم کے ڈھاکہ اور لاہور کے ٹیسٹ میچوں میں چھ وکٹیں حاصل کیں اسرار علی نے فرسٹ کلاس کرکٹ کی ابتدا رانجی ٹرافی سے کی تھی ۔ ان کی بہترین بولنگ اٹھاون رنز کے عوض نو وکٹیں تھی ۔ اسی ٹورنامنٹ میں انہوں نے ڈھاکہ یونیورسٹی کیخلاف صرف ایک رن دے کر چھ وکٹیں حاصل کرکے اسے صرف 39 رنز پر آوٹ کردیا تھا ۔