اسلام آباد (این این آئی)حکومت نے بجٹ 27-2026 میں زرخیز اسکیم کے تحت چھوٹے کاشتکاروں کو 300 ارب قرض دینے کا اعلان کردیا۔
دستاویز کے مطابق بجٹ میں حکومت نے اسکیم کے تحت ساڑھے 7 لاکھ چھوٹے کاشت کاروں کو 300 ارب روپے کے بلاسود قرضے فراہم کرنے کا اعلان کیا ہے۔بجٹ دستاویزات کے مطابق زرعی مشینری کے لیے 5 ارب سبسڈی کے لیے مختص کیے ہیں جبکہ 12 ایکڑ سے کم رقبے کے مالک کسانوں کو 1500 روپے فی ایکڑ سبسڈی دی جائے گی۔دستاویز کے مطابق کھاد کی قیمت کم رکھنے کیلئے کھاد فیکٹریوں کو 20 ارب روپے کا پیکیج دیا جائے گاجبکہ موسمیاتی تبدیلی سے نمٹنے اور زرعی شعبے کو نقصانات سے بچانے کے لیے عالمی بینک کی مدد سے 20کروڑ ڈالر مختص کیے ہیں۔بجٹ دستاویز کے مطابق بلوچستان میں زرعی ٹیوب ویلزکیلئے3ارب سبسڈی دی جائے گی جبکہ وزیراعظم یوتھ بزنس اور زرعی پروگرام کے تحت20ارب مختص کیے گئے ہیں۔
