مکہ مکرمہ/اسلام آباد(این این آئی)عزم اور غیر متزلزل ایمان کا حیرت انگیز مظاہرہ کرتے ہوئے ایک منفرد پاکستانی عازم حج محمد شفیق نے مکہ مکرمہ کی مقدس زیارت پر جانے کے اپنے عمر بھر کے خواب کو پورا کرنے کے لیے تمام مشکلات کو ٹال دیا۔تین دہائیاں قبل ایک المناک سڑک حادثے میں اپنا ایک پاں کھونے کے باوجودبے مثال جذبہ نے ان کو اللہ تعالی کی پکار پر لبیک کہنے کے قابل بنایا۔
43 سالہ محمد شفیق اس کہاوت پر پختہ یقین رکھتے تھے کہ جہاں مرضی ہوتی ہے، وہاں راستہ ہوتا ہے۔ انہوں اپنے جسمانی چیلنجوں سے بے خوف ہوکر جوش وجذبہ کے ساتھ پاکستان سے مکہ مکرمہ کا ایک شاندار سفر طے کیا۔کئی سالوں کی محنت کے ذریعہ رقم بچا کر انہوں نے استقامت اور مشکلات کا سامنا کرتے ہوئے مواقع سے فائدہ اٹھانے کی خوبیوں کی مثال پیش کی ہے۔ انہوں نے اے پی پی سے گفتگو کرتے ہوئے فخر سے بتایا کہ میرے پاں ک ے کٹنے کے باوجودمجھے زندگی بھر اس روحانی سفر کے لیے جدوجہد کرنے کا جو ش اور عزم ملا۔
انہوں نے کہا کہ میں التشریق کے دنوں میں خود اپنی بیساکھیوں پر ٹیک لگا کر جمرات میں سنگساری کی رسم ادا کروں گا۔محمد شفیق کی متاثر کن داستان ان کے عقیدے کے ساتھ ان کی غیر متزلزل وابستگی کا ثبوت ہے اور درپیش جسمانی چیلنجوں کے باوجود انہوں نے امن اور خود شناسی کے احساس سے کام لیتے ہوئے اللہ کے گھر کا مشکل سفر شروع کیا۔اپنی زندگی بھر کی آرزو کا اظہار کرتے ہوئے انہوں نے کہا کہ میری خوشی اور مسرت کو کوئی الفاظ بیان نہیں کر سکتا جب اللہ تعالی نے مجھے اپنے خواب کو پورا کرنے کے قابل بنایا۔ انہوں نے کہا اب میں عرفات میں کھڑے ہو کر حج کا سب سے اہم رکن کی ادائیگی کروں گا۔
