اسلام آباد (این این آئی)وزیردفاع خواجہ آصف نے وائٹ ہاؤس اعلامئے پر ردعمل دتے ہوئے کہا ہے کہ اعلامئے سے قبل واشنگٹن یا جوبائیڈن کو سوچنا چاہئے تھا، مودی کے ہاتھ آج بھی مسلمان،عیسائی اورسکھوں کے خون سے رنگے ہیں۔وزیردفاع خواجہ آصف نے اپنے بیان میں کہا کہ واشنگٹن نے ہی گجرات دہشت گردی میں مودی کا ویزا بند کیا تھا،امریکا کواعلامیہ جاری کرتے ہوئے کشمیریوں پرمظالم یاد نہ آئے؟

امریکا نے خطے میں 40 سال میں دو ناکام مداخلتیں کیں،پاکستان آج بھی امریکا کی ورثے میں چھوڑی ہوئی دہشتگری کا مقابلہ کررہا ہے۔وزیردفاع نے کہا کہ خطے میں دہشتگردی کے بیج بونے میں امریکا کا بھی بڑا کردار ہے، بھارت میں وزیراعظم اوروزرا دہشت گردی کو فروغ دے رہے ہیں، وائٹ ہائوس اعلامیہ خطے کی تاریخ، امریکی کردارسے نابلد ہونے کا ثبوت ہے،امریکا اقتصادی مفادات کی خاطربھارت میں انسانی حقوق کی خلاف ورزیاں نظراندازکر رہا ہے۔