لندن( این این آئی) قومی ٹیم کے بیٹر حیدر علی کی انگلش کائونٹی کے دوران انوکھے انداز میں آئوٹ ہونے کی ویڈیو سوشل میڈیا پر وائرل ہو گئی۔وکٹ کیپر کی حاضر دماغی اور اپنی لاپرواہی کی وجہ سے حیدرعلی وکٹ گنوا بیٹھے۔
انگلش ٹی ٹونٹی بلاسٹ ٹورنامنٹ میں حیدرعلی کے انوکھے انداز میں سٹمپ آوٹ پر شائقین بھی ششدر رہ گئے۔ڈربی شائر کی نمائندگی کرتے ہوئے قومی بیٹر نے 48 رن بنائے اور وکٹ گنوا بیٹھے، کریز پر اپنے 34 گیندوں کے قیام کے دوران حیدر علی نے چار چوکے اور دو چھکے لگا کر اپنی پاور ہٹنگ کی مہارت کا مظاہرہ کیا، ڈربی شائر کو کھیل میں برقرار رکھنے میں ان کا تعاون اہم تھا، کاونٹی پلیئر ریس اور حیدر علی کی طرف سے فراہم کردے مضبوط اوپننگ پلیٹ فارم نے ٹیم کو مستحکم آغاز فراہم کیا تھا۔
