اسلام آباد (این این آئی) بین الاقوامی مالیاتی فنڈ (آئی ایم ایف)نے اگلے سال پاکستان کے معاشی حالات میں بہتری کی پیش گوئی کر دی۔آئی ایم ایف نے ورلڈ اکنامک آٹ لک رپورٹ جاری کردی، رواں سال پاکستان میں مہنگائی اور بے روزگاری میں اضافے اور معاشی ترقی کی رفتار سست رہنے کا مکان ظاہر کیا گیا ہے۔
رپورٹ کے مطابق پاکستان میں رواں مالی سال شرح نمو حکومتی ہدف 5 فیصد کے مقابلے میں صفر اعشاریہ پانچ فیصد رہنے کا امکان ہے۔ گزشتہ سال کے مقابلے میں اس سال مہنگائی کی شرح دوگنا سے بھی زیادہ یعنی 27.1 فیصد رہنے اور بیروزگاری کی شرح سات فیصد تک پہنچنے کی پیشگوئی کی گئی ہے۔آئی ایم ایف کے مطابق کرنٹ اکاؤنٹ خسارہ جی ڈی پی کے 2.3فیصد تک محدود رہے گا۔ آئندہ سال جی ڈی پی گروتھ واضح بہتری کے ساتھ 3.5فیصد اور مہنگائی کم ہو کر 21.9فیصد پر آجائیگی۔ کرنٹ اکاؤنٹ خسارہ جی ڈی پی کا 2.4فیصد تک محدود رہیگا جبکہ بیروز گاری کی شرح میں 0.2فیصد کمی کی توقع ظاہر کی گئی ہے۔بین الاقوامی مالیاتی فنڈ (آئی ایم ایف)نے عالمی معیشت کے کورونا وباء اور روس یوکرین جنگ کے اثرات سے آہستہ آہستہ نکلنے کی نوید بھی سنا دی گئی۔
