اسلام آباد (نیوز ڈیسک) حکومتِ پاکستان نے پیٹرولیم مصنوعات کی قیمتوں میں رد و بدل کا اعلان کر دیا ہے۔ وزارتِ توانائی کی جانب سے پیر کی شب جاری نوٹیفکیشن کے مطابق ہائی اسپیڈ ڈیزل کی فی لیٹر قیمت میں 14 روپے کمی کی گئی ہے، جبکہ پیٹرول کی قیمت میں کوئی تبدیلی نہیں کی گئی۔

نوٹیفکیشن کے مطابق پیٹرول کی فی لیٹر قیمت بدستور 263 روپے 45 پیسے برقرار رہے گی، جبکہ ہائی اسپیڈ ڈیزل کی نئی قیمت 265 روپے 65 پیسے فی لیٹر مقرر کی گئی ہے۔ نئی قیمتوں کا اطلاق پیر کی شب 12 بجے سے آئندہ 15 روز تک رہے گا۔