اسلام آباد (این این آئی) پاکستان تحریک انصاف کی رہنما سابق وزیر شیریں مزاری اپنی ہی حکومت میں اسرائیل کے لیے خصوصی پاسپورٹ کا اجرا بھول گئیں۔میڈیا رپورٹ کے مطابق نہ اسرائیل کے ساتھ تجارت شروع ہوئی، نہ پاکستان کی پالیسی بدلی تاہم ایک پاکستانی یہودی شہری کے انفرادی قدم پر تحریک انصاف نے پروپیگنڈا شروع کردیا۔بابر اعوان نے اسرائیل کے ساتھ تجارت شروع کروا دی جبکہ دفتر خارجہ اور وزارتِ تجارت نے واضح تردید کی لیکن شیریں مزاری نے سوال داغ دیا کہ پاکستانی پاسپورٹ پر پاکستانی شہری اسرائیل کیسے پہنچ گیا؟۔شیریں مزاری بھول گئیں کہ فیشل بن خالد کو 2019 میں عمران خان کی حکومت نے اسرائیل جانے کے لیے خصوصی پاسپورٹ جاری کیا تھا، اسی دور میں پی ٹی آئی کی رکن قومی اسمبلی اسما حدید اسرائیل کے حق میں تقریر کرچکی تھیں۔

موضوعات:ڈاکٹر شیریں مزاری