لاڑکانہ(این این آئی) رتو ڈیرو کے جیکب آباد روڈ پر مسلح افراد نے ایک دکان پر فائرنگ کردی،

جس کے نتیجے میں باپ اور 3 بیٹوں سمیت 5 افراد جاں بحق ہوگئے۔پولیس کے مطابق فائرنگ کا واقعہ دو گروپوں کے درمیان جاری پرانی دشمنی کے باعث پیش آیا۔ فائرنگ کے نتیجے میں جاں بحق ہونے والوں میں باپ اور اس کے 3 بیٹے بھی شامل ہیں، جبکہ ایک راہ گیر بھی گولیوں کی زد میں آکر جاں بحق ہوا۔پولیس کے مطابق فائرنگ کے بعد مسلح ملزمان موقع سے فرار ہوگئے۔ واقعے کے بعد پولیس نے علاقے کی ناکہ بندی کردی اور ملزمان کی گرفتاری کے لیے کارروائی شروع کردی ہے۔