تہران(نیوز ایجنسیاں)امریکی طیارہ ایران کی فضائی حدود میں داخل ہوگیا،ایرانی بحریہ چوکس ہوگئی ،وارننگ پر پسپائی اختیار کرگیا،بحریہ کا ای پی 3 ای طیارہ خلیج عمان میں گھس آیا،ایرانی بحریہ چوکس ہوگئی۔ایرانی حکام کے مطابق طیارہ الیکٹرانک سگنلز کے ذریعے جاسوسی کیلئے استعمال کیا جاتا ہے۔ ایرانی خبر رساں ایجنسی نے بتایا کہ امریکی بحریہ کا ای پی 3 ای طیارہ خلیج عمان میں ایران کی سمندری حدود میں داخل ہو گیا جس پر ایرانی بحریہ نے امریکی طیارے کو خبردار کردیا۔ایرانی بحریہ کی جانب سے سرحد کے خلاف ورزی پر خبردار کرنے کے بعد امریکی بحریہ کا طیارہ ایرانی واپس پلٹنے پر مجبور ہو کر ایرانی سمندری سرحد سے نکل کر بین الاقوامی راستے پر چلا گیا۔ایرانی خبر ایجنسی کے مطابق ایرانی فضائی حدود میں داخل ہونے والا امریکی طیارہ الیکٹرانک سگنلز کے ذریعے معلومات اور ڈیٹا جمع کرنے کیلئے استعمال کیا جاتا ہے۔

موضوعات:امریکی طیارہ