اسلام آباد (این این آئی)پاکستان کرکٹ بورڈ کے چیئرمین نجم سیٹھی نے کہا ہے پاک انڈیا کرکٹ سیریزمیں زیادہ رکاوٹیں بھارت کی طرف سے ہیں۔ خصوصی گفتگو میں نجم سیٹھی نے کہا پی سی بی یا بی سی سی آئی باہمی طور پردونوں ممالک کرکٹ بحال نہیں کر سکتیں، دونوں ممالک کی حکومتیں ہی دوطرفہ کرکٹ بحال کرسکتی ہیں۔انہوں نے کہا ایشیا کپ میں 80 فیصد ریونیو پاک بھارت میچوں سے حاصل ہوتا ہے ،ایشیا کپ میں پاک بھارت میچ نیوٹرل مقام پر ہوں گے ، ورلڈ کپ کے میچز کے متعلق فیصلہ آئی سی سی کرے گی۔نجم سیٹھی نے کہا ورلڈ کپ کی تیاریوں کیلئے پاکستان میں غیرملکی کوچز آرہے ہیں۔

موضوعات:نجم سیٹھی