لاہور(این این آئی)تحریک انصاف کے چیئرمین عمران خان نے رہنماؤں اور کارکنان کو پیر کے روز مینار پاکستان جلسہ کے حوالے سے تیاریاں کرنے کا حکم دیدیا۔ عمران خان نے زمان پارک میں رہنماؤں اورکارکنان سے خطاب کرتے ہوئے جلسہ کی تیاری کا حکم دیا تھا۔عمران خان نے کہا کہ پیر کے روز مینار پاکستان پرجلسہ کریں گے۔تحریک انصاف اس سے پہلے بھی کئی بار مینار پاکستان بھر چکی ہے،پیر کے روز بھی جلسہ کرکے مینار پاکستان کا گراؤنڈ بھریں گے۔سب آئیں تاکہ اپنے بچوں کو بتاسکیں کہ سب سے بڑے جلسے میں آپ موجود تھے۔عمران خان نے کہا کہ باقی پارٹیوں نے بھی مینار پاکستان جلسے کیے مگر اس کا گراؤنڈ نہ بھر سکیں۔

موضوعات:عمران خان