عمران خان کی رہائش گاہ سے مزید 5 کلاشنکوف اور گولیاں برآمد

اسلام آ باد (مانیٹرنگ ڈیسک ٗآئی این پی )پولیس عمران خان کی رہائشگاہ سےچلی گئی، زمان پارک سے پی ٹی آئی کے 40 کارکن گرفتار کیے گئے ہیں۔پولیس کے مطابق عمران خان کی رہائش گاہ سے مزید 5 کلاشنکوف اور گولیاں برآمد ہوئیں۔دوسری جانب وفاقی وزیرداخلہ راناثنا اللہ نے کہا ہے کہ عمران خان ایک فتنہ ہے وہ ملک میں فساد چاہتاہے۔ ایسے شخص کو ووٹ کی طاقت سے مائنس کیا جانا چاہیے۔ اپنے ایک بیان میں راناثنااللہ کا کہنا تھا کہ زمان پارک نوگو ایریا بنا ہوا تھا جسے کلیئرکروادیا گیا ہے۔ آئی جی پنجاب تمام چیزیں قوم کے سامنے رکھیں گے۔ راناثنااللہ نے کہا کہ زمان پارک میں شرپسندوں کے خلاف کارروائی کی گئی، پولیس آج بھی غیرمسلح ہوکر زمان پارک گئی، زمان پارک میں پولیس پرفائرنگ کی گئی۔ وزیرداخلہ کا کہنا تھا کہ زمان پارک میں ایک بارتوہرچیزکلئیرہوگئی ہے، پولیس کا مقصد کسی شخص کونقصان پہنچانا نہیں تھا، مزید کہا کہ عمران خان مخالفین کے ساتھ بیٹھنے کو تیارنہیں، اسکا مائنڈسیٹ سامنے آگیا۔

موضوعات:،عمران خان