لاہور( این این آئی) سابق گورنر پنجاب و مسلم (ق) کے سینئر رہنما چوہدری محمد سرور نے کہا ہے کہ میں نے پرانا بھی پاکستان بھی دیکھا ہے نیا پاکستان بھی دیکھا ہے لیکن اب فیصلہ کیا ہے میں نے قائد اعظم کا پاکستان بنانا ہے ۔ ایک انٹر ویو میں انہوں نے کہا کہ سیاسی جماعتوں میں جمہوریت نہیں ہے ، فیصلے مشاورت سے نہیں ہوتے ۔اگر تحریک انصاف میں ہمارے مشوروں کو مانا جاتا تو آج جس تحریک انصاف جس مشکل صورتحال میں ہے ایسا نہ ہوتا ۔انہوںنے کہا کہ اگر عدم اعتماد کی تحریک نہ آتی تو تحریک انصاف کی مقبولیت ختم ہو گئی تھی کیونکہ یہ گڈ گورننس نہیں دے سکی ۔ اب جو نئے لوگ آئے ہیں انہوںنے کہا تھاکہ ہم مہنگائی ختم ختم کرنے آئے ہیں لیکن انہوںنے مہنگائی پہلے سے زیادہ کر دی ہے ۔