اسلام آباد (این این آئی) دوست ممالک کی کاوشیں رنگ لے آئی ہیں،بین الاقوامی مالیاتی فنڈ (آئی ایم ایف) نے پاکستان کو گرین سگنل دے دیا ہے۔نجی ٹی وی کے مطابق حکام وزارت خزانہ نے کہا ہے کہ بین الاقوامی مالیاتی فنڈ نے پاکستان کو گرین سگنل دے دیا ہے۔اسی یا اگلے ہفتے اسٹاف لیول معاہدہ ہوجائے گا، امید ہے سب معاملات حتمی شکل اختیار کر جائیں گے۔ذرائع کے مطابق جمعہ تک معاہدے کے حوالے سے حتمی جواب مل جائے گا، دوست ممالک کی کوششوں سے رکاوٹیں دور ہوئی ہیں۔وزارت خزانہ کے مطابق پاکستان تمام پیشگی شرائط کے مشکل ترین فیصلے کرچکا ہے۔