ممبئی (آن لائن) بالی ووڈ اسٹار اور سابق مس ورلڈ سشمیتا سین کا کہنا ہے کہ انہیں دل کا شدید دورہ پڑا تھا اور ان کے دل کی ایک اہم شریان 95 فیصد بند تھی۔

اپنے مداحوں کے ساتھ لائیو سیشن میں اداکارہ نے انکشاف کیا کہ ان کے دل کی ایک اہم شریان 95 فیصد بند تھی اور اس وجہ سے ان کی سرجری بھی ہوئی۔ اداکارہ نے جِم جانے کی وجہ سے دل کا دورہ پڑنے سے متعلق بحث پر تبصرہ کرتے ہوئے کہا کہ آپ میں سے اکثر لوگ جم جانا چھوڑ دیں اور کہیں گے کہ دیکھا اسے جم جانے کا کوئی فائدہ نہیں ہوا۔ مگر یہ غلط ہے مجھے جِم جانے سے بہت فائدہ ہوا ہے میں ایک بہت بڑے دل کے دورے سے زندہ بچی ہوں۔‘اداکارہ کا کہنا تھا کہ انہیں بہت شدید دل کا دورہ پڑا تھا اور ان کے ایکٹو لائف اسٹائل کی وجہ سے وہ بچ گئیں ہیں۔اداکارہ نے بتایا کہ اب وہ صحتیاب ہیں اور ڈاکٹرز کی اجازت کے بعد وہ اپنی ویب سیریز آریاکی شوٹنگ مکمل کرنے کے لیے جے پور کا سفر کریں گی اور فلم تالی کی ڈبنگ پر بھی کام شروع کریں گی۔