انقرہ (این این آئی)مشرقی ترکیہ میں 5.6 شدت کے زلزلے سے ایک شخص ہلاک جبکہ درجنوں زخمی ہوگئے۔غیرملکی خبررساں ادرے نے بتایاکہ ترکیہ کی قدرتی آفات میں کام کرنے والی سرکاری ایجنسی کے مطابق پچھلے زلزلوں سے متاثر ہونے والی عمارتیں آنے والے زلزلے میں مکمل تباہ ہوگئیں۔زلزلے کا مرکز مالاتیا صوبے کا علاقہ یسلیورٹ تھا جہاں 6 فروری کو بھی ہولناک زلزلہ آیا تھا۔ترک حکام کے مطابق آنے والے زلزلے کے جھٹکوں سے 69 افراد زخمی ہوئے۔علاقے میں 6 فروری کے زلزلے سے 29 عمارتوں کو نقصان پہنچا تھا، یہ تمام عمارتیں اب گر چکی ہیں۔