اسلما آباد (مانیٹرنگ ڈیسک)ایرانی جنرل امیر علی حاجی زادہ نے کہا ہے کہ ہم اب بھی ڈونلڈ ٹرمپ کو قتل کرکے پاسداران انقلاب کے سابق سربراہ قاسم سلیمانی کا بدلہ لینا چاہتے ہیں۔نجی ٹی وی جیو نیوز کےمطابق ایک ٹی وی انٹرویو میں ایرانی ائیرو اسپیس یونٹ کے

کمانڈر جنرل امیر علی حاجی زادہ نے کہا کہ ہم اب بھی چاہتے ہیں کہ قاسم سلیمانی کے قتل کا بدلہ لینے کیلئے سابق امریکی صدر ڈونلڈ ٹرمپ، ان کے وزیر خارجہ مائیک پومپیو اور قاسم سلیمانی کے قتل کے احکامات جاری کرنے والے سابق امریکی جنرل مک کینزی کو قتل کردیں۔جنرل حاجی زادہ نے اپنے انٹرویو میں کہا کہ ایران اب امریکی بحری جہازوں کو 2 ہزار کلومیٹرز کے فاصلے سے نشانہ بنانے کی صلاحیت حاصل کر چکا ہے۔ان کا کہنا تھا کہ ہم نے یورپ کا خیال کرتے ہوئے 2 ہزار کلومیٹرز کی حد مقرر کی ہے اور امید کرتے ہے کہ یورپ خود کو اس احترام کے قابل ثابت کرے گا۔واضح رہے کہ ایران کی جانب سے 2020 میں بغداد میں ائیرپورٹ پر امریکی ڈرون حملے میں قتل ہونے والے پاسداران انقلاب کے سربراہ قاسم سلیمانی کے قتل کا بدلہ لینے کے عزم کا اظہار کیا جاتا رہا ہے۔