اسلام آباد (این این آئی)ترجمان دفترخارجہ نے کہا ہے کہ وزیر دفاع خواجہ آصف کے دورہ افغانستان میں دہشتگرد گروپوں کے خلاف مل کر لڑنے پر اتفاق کیا گیا۔اسلام آباد میں ترجمان دفتر خارجہ ممتاز زہرہ بلوچ نے ہفتہ وار میڈیا بریفنگ کے دوران بتایا کہ وزیر دفاع خواجہ آصف کے دورہ افغانستان کے دوران کالعدم ٹی ٹی پی
کی بڑھتی کارروائیوں پر خاص طور سے تبادلہ خیال ہوا۔ترجمان دفتر خارجہ نے بتایا کہ افغانستان کی عبوری حکومت نے پاکستان کو دہشت گردی کے خاتمے میں ہرممکن تعاون کی یقین دہانی کرئی ہے۔ وزیر دفاع اور اعلی فوجی حکام کے افغان قیادت سے مذاکرات کا محور کالعدم ٹی ٹی پی اور داعش خراسان سے خطرات تھے۔ ترجمان نے بتایا وزیر خزانہ اسحاق ڈار دورہ تاشقند میں پاک ازبکستان تجارت ، اور مختلف شعبوں میں تعلقات بڑھانے پر بات چیت کریں گے ۔ واشنگٹن میں پاک امریکہ تجارتی مذاکرات سے باہمی تعاون کی نئی راہیں کھلیں گی۔ترجمان نے ایک سوال کے جواب میں بتایا وزیراعظم نے ارشد شریف قتل کیس کا معاملہ کینیا کے صدر کے ساتھ اٹھایا ، انہوں نے تحقیقات کے حوالے سے مکمل تعاون کا یقین دلایا ہے۔ وزیر دفاع خواجہ آصف کے دورہ افغانستان میں دہشتگرد گروپوں کے خلاف مل کر لڑنے پر اتفاق کیا گیا۔اسلام آباد میں ترجمان دفتر خارجہ ممتاز زہرہ بلوچ نے ہفتہ وار میڈیا بریفنگ کے دوران بتایا کہ وزیر دفاع خواجہ آصف کے دورہ افغانستان کے دوران کالعدم ٹی ٹی پی کی بڑھتی کارروائیوں پر خاص طور سے تبادلہ خیال ہوا۔
