اسلام آباد (نیوز ڈیسک) اسرائیلی پارلیمنٹ کے اسپیکر نے قطر کے دارالحکومت دوحہ میں اسرائیلی فضائی حملے کا حوالہ دیتے ہوئے مشرق وسطیٰ کے دیگر ممالک کو بھی سخت پیغام دیا ہے۔کنیسٹ کے اسپیکر نے دوحہ میں حماس کی قیادت کے زیر استعمال عمارت پر ہونے والے فضائی حملے کی ویڈیو سوشل میڈیا پر شیئر کی اور تحریر کیا کہ ’’یہ پورے مشرق وسطیٰ کے لیے ایک واضح پیغام ہے۔
‘‘واضح رہے کہ اسرائیل نے آج دوحہ میں اس وقت فضائی کارروائی کی جب حماس کی اعلیٰ قیادت غزہ میں جنگ بندی کے معاہدے پر مشاورت کر رہی تھی۔اسرائیلی وزیر اعظم اور فوج دونوں نے حملے کی ذمہ داری قبول کرتے ہوئے کہا کہ کارروائی کا ہدف حماس کی سینئر قیادت تھی۔ تاہم حماس کے سیاسی دفتر کے رکن سہیل الہندی کے مطابق قیادت اس حملے میں محفوظ رہی۔الہندی نے الجزیرہ کو بتایا کہ حملے میں حماس رہنما خلیل الحیہ کے بیٹے ھمام الحیہ اور ان کے دفتر کے انچارج جہاد لبد جاں بحق ہوئے، جبکہ تین محافظوں سے رابطہ منقطع ہو چکا ہے۔
هذه رسالة لكل الشرق الأوسط pic.twitter.com/K9b5klGKMx
— Amir Ohana – אמיר אוחנה (@AmirOhana) September 9, 2025
