اسلام آباد (نیوز ڈیسک)ملک بھر میں ماہانہ فیول ایڈجسٹمنٹ کی مد میں بجلی کی قیمت میں کمی کر دی گئی ہے۔نوٹیفکیشن کے مطابق نیپرا نے جولائی 2025 کی فیول پرائس ایڈجسٹمنٹ کے تحت بجلی 1 روپے 79 پیسے فی یونٹ سستی کر دی۔ اس فیصلے کا اطلاق کے الیکٹرک اور ڈسکوز صارفین دونوں پر ہوگا۔
بجلی کی قیمت میں کمی کا فائدہ صارفین کو ستمبر کے بلوں میں ملے گا۔ سینٹرل پاور پرچیزنگ ایجنسی (سی پی پی اے) نے جولائی کی ایڈجسٹمنٹ کے لیے 1 روپے 69 پیسے فی یونٹ کمی کی درخواست دی تھی، تاہم نیپرا نے اس سے زیادہ کمی کی منظوری دی۔اس فیصلے سے صارفین کو تقریباً ساڑھے 24 ارب روپے کا ریلیف فراہم کیا جائے گا۔
