اسلام آباد (مانیٹرنگ ڈیسک/این این آئی )معروف فٹبالر کرسٹینا رونالڈو اور ان پرنسل سٹاف کیلئے کنگڈم سویٹ کی اس 99منزلہ عمارت میں 17عالیشان سوٹس بک کرائی گئی ہے جس کا ماہانہ کرایہ اڑھائی لاکھ پاؤنڈ جو پاکستانی (تقریباً 8کروڑ 14لاکھ روپے) ہے۔

ان سوٹس میں لیونگ رومز، پرائیویٹ آفس، ڈائننگ روم اور میڈیا روم سمیت دیگر سہولیات موجود ہیں۔کرسٹیانو کی لائف پارٹنر جارجینا روڈریگوئز سعودی عرب کے اس لگژری ہوٹل میں اپنی شاہانہ زندگی کی تصاویر سوشل میڈیا پر پوسٹ کرتی رہتی ہیں۔ان کی تصاویر پر صارفین کی جانب سے ملا جلا ردعمل سامنے آرہا ہے۔ دوسری جانب النصر کے ہیڈ کوش روڈی گارشیا نے سعودی سپر کپ کے سیمی فائنل میں التحاد کیخلاف ٹیم کے باہر ہونے کا ذمہ دار کرسٹیانو رونالڈو کو ٹھہرادیا۔سعودی فٹبال کلب النصر کے کوچ نے الزام عائد کیا کہ پہلے ہاف میں رونالڈو کی جانب سے موقع ضائع کرنے کی وجہ سے میچ کا رخ بدل گیا۔گارشیا نے النصر کے کیخلاف جیت پر التحاد کو مبارکباد دیتے ہوئے کہا کہ انہوں نے ہم سے پہلے ہاف میں بہت بہتر پیش کیا، بدقسمتی سے ہماری ٹیم گول اسکور کرنے میں ناکام رہی۔فرانسیسی منیجر نے مزید کہا کہ یہ سچ ہے کہ ہمیں سپر کپ ہارنے کا افسوس ہے لیکن ہم ابھی بھی لیگ میں پہلے نمبر پر ہیں۔