ممبئی (این این آئی) بھارت میں 200کروڑ کی منی لانڈرنگ کے الزام میں گرفتار ملزم سکیش چندر شیکھر نے اداکار نورا فتحی کے خلاف بیان دے دیا۔سکیش چندر شیکھر نے اپنے بیان میں انکشاف کیا ہے کہ ابھی نورا نے مجھ سے اپنا گھر لینے کا وعدہ کرنے کے

بارے میں بات کی لیکن حقیقت یہ ہے کہ وہ مراکش میں اپنے خاندان کیلئے ایک گھر خریدنے کیلئے مجھ سے پہلے ہی ایک بڑی رقم لے چکی ہیں۔انہوںنے کہاکہ نورا نے تفتیشی حکام کو اپنے بیانات میں قانون سے بچنے کیلئے من گھڑت کہانیاں سنائی ہیں، میں نورا کو رینج روور دینا چاہتا تھا لیکن چونکہ اس وقت وہ گاڑی سٹاک میں دستیاب نہیں تھی اور نورا کو فوری طور پر ایک گاڑی چاہئے تھی تو میں نے انہیں بی ایم ڈبلیو خرید کر دے دی جسے وہ طویل عرصے تک استعمال کرتی رہی ہیں۔سکیش چندر شیکھر نے بتایا کہ کیونکہ نورا ہندوستانی شہری نہیں ہیں، اس لئے انہوں نے مجھ سے گاڑی کو اپنی بہترین دوست کے شوہر بوبی کے نام پر رجسٹر کرنے کو کہا۔انہوں نے یہ بھی دعوی کیا ہے کہ تفتیشی حکام کے پاس ثبوت کے طور پر سکرین شاٹس اور چیٹ موجود ہے اس لئے جھوٹ بولنے کا جواز ہی نہیں پیدا ہوتا۔