اسلام آباد (مانیٹرنگ ڈیسک/این این آئی)آئی سی سی نے ٹیسٹ مینز ٹیم آف دی ائیر کا اعلان کردیا،پاکستان سے صرف بابر اعظم ٹیسٹ ٹیم آف دی ائیر میں شامل ہیں۔ٹوئنٹی فور نیوز کے مطابق آسٹریلیا کے چار،انگلینڈ کے تین،جنوبی افریقہ،بھارت اور ویسٹ انڈیز سے
ایک ایک کھلاڑی کو شامل کیا گیا،انگلینڈ کے بین اسٹوکس ٹیسٹ ٹیم آف دی ائیر کے کپتان مقرر کیے گئے ہیں ،ٹیم میں کریگ بریتھ ویٹ ،مارنس لبوشین ،جونی بئیرسٹو ،رشب پنت شامل ہیں ۔آئی سی سی ٹیم کے دیگر کھلاڑیوں میں پیٹ کمنز ،کگیسو رابادا،نیتھن لائیون اور جیمز اینڈرسن شامل ہیں ۔دوسری جانب ویمنز ون ڈے ٹیم آف دی ایئرمیں کوئی پاکستانی لڑکی جگہ پانے میں ناکام رہی، ویمنز ٹیم کیلئے بھارت کی ہرمن پریت کو کپتان مقرر کیا گیا ہے جبکہ دیگر کھلاڑیوں میں بھارت اور جنوبی افریقہ کی تین تین،آسٹریلیا اور انگلینڈ کی دودو جبکہ نیوزی لینڈ کی ایک کھلاڑی شامل ہیں۔اس سے قبل آئی سی سی نے مینز اور ویمنز ٹی ٹونٹی ٹیمز آف دی ایئر کا اعلان کیا تھا جس میں محمد رضوان اور حارث روف کو ٹی ٹونٹی ٹیم آف دی ائیر جبکہ ندا ڈار کو ویمنز ٹی ٹونٹی آف دی ایئر کا حصہ بنایا گیا تھا۔
