لاہو ر( مانیٹرن گڈیسک /این این آئی)نجی ٹی وی کے مطابق عمران خان نے کہا ہے کہ فوج سے لڑائی پاگل پن ہوگا، میرے، شہباز اور اعظم سواتی کے ساتھ جو ہوا بھولنے کو تیار ہوں۔ پاکستان تحریک انصاف کے چیئرمین و سابق وزیر اعظم عمران خان نے پیشگوئی کی ہے کہ (ق) لیگ آگے چل کر پی ٹی آئی کا حصہ بن جائے گی۔اینکر پرسنز سے ملاقات میں عمران خان نے کہا کہ مونس الٰہی نے بہت اچھا کردار ادا کیا ہے، پنجاب اسمبلی کی تحلیل کے فوری بعد خیبرپختونخوا اسمبلی بھی تحلیل کر دی جائے۔انہوں نے کہا کہ یہ نگران سیٹ اپ کو طول نہیں دے پائیں گے، نئی اسٹیبلشمنٹ ان کا بوجھ نہیں اٹھا سکتی، میرا خیال ہے کہ (ق) لیگ آگے چل کر پاکستان تحریک انصاف کا حصہ بن جائے گی۔سابق وزیر اعظم نے 186ممبران پورے ہونے پر خوشی کا اظہار کرتے ہوئے کہا کہ ہمیں لگ رہا تھا ہمارے 186ارکان پورے نہیں ہو پائیں گے، مگر ہم نے 186ارکان پورے کرکے دکھا دیے۔