کراچی (این این آئی) نیوزی لینڈ کے کرکٹر کین ولیمسن نے کہا ہے کہ پاکستان کے پاس فاسٹ بولنگ کا ٹیلنٹ بہت ہے، جب سے کرکٹ کھیل رہا ہوں، پاکستان سے حیران کن ٹیلنٹ آتا دیکھا ہے، پاکستان جیسی ٹیم کے خلاف بھرپور پلاننگ کے ساتھ کھیلنا ضروری ہے۔
ایک انٹرویو میں نیوزی لینڈ کے کرکٹرکین ولیمسن نے کہ اکہ پاکستان کا اگر اہم کھلاڑی ان فٹ بھی ہوں تو پاکستان ٹیم کمزور نہیں ہوتی۔کین ولیمسن نے کہاکہ پاکستان میں ٹیسٹ کرکٹ کھیل کرکافی اچھا لگا، پچھلا میچ بہت زبردست ہوا، ہم نتیجہ حاصل کرسکتے تھے، دوسرے ٹیسٹ کے لییکنڈیشنز کے مطابق پلاننگ کریں گے، پاکستان کے پاس فاسٹ بولنگ کا ٹیلنٹ بہت ہے، جب سے کرکٹ کھیل رہا ہوں، پاکستان سے حیران کن ٹیلنٹ آتا دیکھا ہے۔انہوں نے کہاکہ کوئی بھی ٹیم ہو، میری کوشش ہوتی ہیکہ بڑا اسکور کرنے کی کوشش کروں، ہرجگہ مختلف کنڈیشن کا ملنا ٹیسٹ کرکٹ کو چیلنجنگ بناتا ہے، انگلینڈ نے حال ہی میں پاکستان میں زبردست کرکٹ کھیلی، ہر ٹیم اپنی اسٹرینتھ کے حساب سے حکمت عملی اپناتی ہے۔سابق کیوی کپتان نے کہاکہ آج کل کی بڑھتی ہوئی کرکٹ میں تینوں فارمیٹ کے لیے تیار رہنا چیلنج ہے، ورک لوڈ منیجمنٹ آج کل کی کرکٹ میں کافی ضروری ہوچکا ہے۔
