قاہرہ (این این آئی)کھانا پکانے میں مہارت رکھنے والی الجزائری یوٹیوبر جسے ام ولید کے نام سے جانا جاتا ہے نے حال ہی میں تنازعہ کو جنم دیا۔ اس کی مزیدار اور کم قیمت ترکیبوں نے سوشل نیٹ ورکنگ سائٹس پر دھوم مچا دی ہے تو ان کی یوٹیوب سے کمائی جانے والی آمدنی کے بارے میں باتیں شروع کردی گئیں۔یوٹیوبر ام ولید نے اپنی خاموشی توڑی اور اپنی آمدنی کے بارے میں حقیقت بتائی ہے۔

الشروق اخبار نے “لائیو سیلیبریٹی” پروگرام کے حوالے سے بتایا کہ ام ولید سے بات چیت کی گئی ہے۔پروگرام کے پریزینٹر نے بتایا کہ ام ولید نے یہ یقین دہانی لی تھی کہ ان سے یوٹیوب سے وصول خیالی رقم کا سوال نہیں کیا جائے گا۔ تاہم انہوں ن بتایا کہ وہ ویوز اور سبسکرائبرز کی تعداد کی نسبت بینک سے چھوٹی رقم وصول کرتی ہیں۔سوشل نیٹ ورکنگ سائٹس کی دنیا میں داخل ہونے کے بعد سے بھی “ام ولید” نے اپنا چہرہ ظاہر نہیں کیا اور بغیر دکھائے کھانا پکانے کی ترکیبیں پیش کرکے خود کو مطمئن کر لیا۔ کیونکہ وہ اپنی کم خرچ ترکیبوں کے لیے جانی جاتی ہیں جس سسے بہت سے لوگوں کو مشکل لمحات میں نجات دہندہ مل گیا۔اعدادوشمار میں مہارت رکھنے والی ویب سائٹ ناتھ ورتھ اسپاٹ نے انکشاف کیا ہے کہ الجزائر کے باورچی کی دولت 4 ملین ڈالر سے تجاوز کر گئی۔انہوں نے نشاندہی کی کہ یوٹیوب چینل نے 2015 میں اپنے آغاز کے بعد سے 11.3 ملین سبسکرائبرز کو اپنی طرف متوجہ کیا ہے۔اگرچہ اس کی واپسی کی ایک مقررہ تعداد تک پہنچنا ناممکن ہے لیکن اس کی دولت تقریبا 3.35 ملین ڈالر تک پہنچ سکتی ہے۔

سائٹ نے کہا کہ اس نے چینل کی آمدنی کا تعین کرنے کے لیے یوٹیوب اشتہارات کی آمدنی پر انحصار کیا ہے۔ویب سائٹ کے مطابق یوٹیوب صارف کی آمدنی کے ذرائع کو دیکھتے ہوئے اس کی مجموعی مالیت زیادہ ہوسکتی ہے، اس طرح توقعات 4.7 ملین ڈالر تک پہنچ جاتی ہیں۔ایک اندازے کے مطابق ام ولید سالانہ 8 لاکھ 38 ہزار ڈالر کماتی ہیں۔ ان کے چینل پر روزانہ 4 لاکھ 65 ہزار ویوز ہوتے ہیں۔

گزشتہ ستمبر کے آغاز میں ام ولید کوکنگ چینل نے یوٹیوب سے ڈائمنڈ شیلڈ حاصل کرنے کے بعد ایک نئی چھلانگ حاصل کی، کیونکہ اس کے 11 ملین سبسکرائبرز اور دو بلین ویوز ہو گئے۔پیروکاروں کے مطابق الجزائری یوٹیوبر مغرب میں سبسکرائبرز اور آرا کی اتنی تعداد حاصل کرنے والی پہلی خاتون بن گئی۔ام ولیدکوکنگ چینل اپنے سبسکرائبرز کو برقرار رکھنے اور اپنے فالوورز کی تعداد کو اپنے کھلنے کے بعد سے بڑے فیصد تک بڑھانے میں کامیاب رہا ہے۔

کارکنوں نے پہلے اسے ڈائمنڈ شیلڈ دینے کے لیے بامعنی مواد کی حوصلہ افزائی کے لیے یکجہتی کی مہم شروع کی تھی۔ام ولید آج تک اپنی پراسرار اور انجان شخصیت کو برقرار رکھنے میں کامیاب رہی ہیں اپنے یوٹیوب پیج پر پہلی ویڈیو پوسٹ کی 7 سال گزرنے کے باوجود اس نے سمیرا ٹی وی پر کوکنگ ٹی وی شو میں اپنا چہرہ دکھائے بغیر شرکت کی ہے۔

موضوعات:یوٹیوبر