اسلام آباد(آن لائن) تحریک انصاف کے رہنماء بابر اعوان ایڈووکیٹ نے اعظم سواتی کی متنازعہ ٹوئٹس سے لاتعلقی کے اظہار کا سوال گول کر گئے اور کہا یہ اس طرح کی خبر ہے جس طرح پاکستان کے خزانے میں 6 بلین ڈالر رہ گئے ہیں ،پیر کے روز اسلام آباد ہائی کورٹ کے باہر میڈیا سے

گفتگو کرتے ہوئے بابر اعوان نے کہا کہ خبریں بنانے والوں کو نظر نہیں آ رہا کہ چھ بلین ڈالر کہاں گئے ہیں، 1992 کے بعد پہلی مرتبہ کمرشل بینکوں میں لوگوں کے ڈالرز اکاؤنٹس سے نکالے گئے ہیں ملک ڈیفالٹ کر رہا ہے اور یہ سارا زور اس پر لگا رہے ہیں، انھوں نے یہ بھی کہا کہ جسٹس بابر ستار نے کہا ہوا ہے کہ ٹویٹس سے کسی کو خطرہ نہیں نہ ملکی دفاع اور نہ کسی اور کو خطرہ ہو گایہ انہوں نے ثابت کرنا ہے کہ کس اکاؤنٹ سے کیا ٹوئٹ ہوئی ہے پہلے دن جس پر الزام آئے وہ کیا کہتا ہے کہ میں نے بندہ مارا ہے؟ وہ کہتا ہے کہ جاؤ پہلے چالان لے کر آؤ، یہ ابھی تک چالان نہیں بنا سکے ،یہ انہوں نے ثابت کرنا ہے کہ کس اکاؤنٹ سے کیا ٹویٹ ہوایہ اب تک پہلی ایف آئی آر پر چالان نہ بنا سکے، 17 دن میں چالان بنانا قانون کی ذمہ داری ہے وزیر اعظم ہاؤس میں بیٹھے لیکس کے ماہر پراپیگنڈا کر رہے ہیں۔