میلبرن،لاہور (این این آئی)قومی ٹیم کے فاسٹ بولر شاہین شاہ آفریدی نے ٹیم کا حصہ ہونے پر فخر کا اظہار کرتے ہوئے کہا ہے کہ ہم نے اپنی طرف سے سب کچھ کیا، سخت محنت جاری رہے گی۔ٹوئٹر پر جاری بیان میں شاہین آفریدی نے کہاکہ اس ملک کے لیے ہمارا سب کچھ حاضر ہے۔

عظیم ٹیم کا ایک چھوٹا سا حصہ بننے پر فخر ہے،ہم نے اپنی طرف سے سب کچھ کیا، سخت محنت جاری رہے گی۔ اپنے بیان میں قومی کرکٹر نے کہا کہ ہم نے اپنی طرف سے سب کچھ کیا، سخت محنت جاری رہے گی۔گزشتہ روز ورلڈکپ کے فائنل میں اہم مرحلے میں شاہین آفریدی اپنا اوور مکمل نہیں کرسکے تھے، وہ 16 ویں اوور کی ایک گیند کراکر میدان سے باہر چلے گئے جس کے بعد باقی اوور افتخار احمد نے مکمل کیا۔کیچ لیتے ہوئے شاہین آفریدی کا گھٹنا زمین پر لگا تھا۔دوسری جانبپاکستان سپر لیگ کی فرنچائز لاہور قلندرز کے ہیڈ کوچ عاقب جاوید نے کہا ہے کہ شاہین شاہ آفریدی ورلڈ کپ سے زیادہ اہم ہے تاہم معاملے کی انکوائری ہونی چاہیے ۔ انہوں نے ایک انٹرویو میں کہاکہ شاہین آفریدی جیسے بولرز روز روز پیدا نہیں ہوتے ۔انکے معاملے پر انکوائری ہونی چاہیے۔اس موقع پر سابق کپتان معین خان نے کہا کہ قومی ٹی ٹونٹی ٹیم میں مڈل آرڈر میں کوئی مستند بیٹر نہیں ہے۔دنیا کی دیگر ٹیمیں پاور پلے میں زیادہ اسکور کرتی ہیں، سلیکشن کمیٹی کو پی ایس ایل سے کئی نئے کھلاڑی ملیں گے۔واضح رہے کہ ٹی ٹونٹی کرکٹ ورلڈکپ کے فائنل میں پاکستان کو انگلینڈ کے ہاتھوں شکست کا سامنا کرنا پڑا تھا، میچ کے دوران شاہین شاہ آفریدی ان فٹ ہوگئے تھے۔