اسلام آباد /لندن (این این آئی)مسلم لیگ (ن )کے قائد نوازشریف نے اہم تعیناتی پر سابق صدر آصف زرداری، پی ڈی ایم کے سربراہ مولانا فضل الرحمان اور بی این پی کے سربراہ اختر مینگل سے مشاورت کی ۔نجی ٹی وی کے مطابق رواں ماہ اہم تقرری کے حوالے سے قائد (ن) لیگ نوازشریف نے
اتحادی جماعتوں کے رہنماؤں سے رابطے شروع کردیئے ہیں۔نوازشریف نے سابق صدر آصف زرداری، سربراہ جے یو آئی مولانا فضل الرحمان، اور بی این پی کے سربراہ اختر مینگل سے ٹیلیفونک رابطہ کیا، اور ملکی سیاسی صورتحال سمیت اہم تقرری کے معاملے پر مشاورت کی۔دوران گفتگو رہنماؤں نے پی ٹی آئی چیئرمین عمران خان کے قومی سلامتی کے خلاف بیانیے پر قانونی کارروائی تیز کرنے پر بھی اتفاق کرتے ہوئے کہا کہ عمران خان انتظامی معاملے کو سیاست کی نظر کرنا چاہتے ہیں۔رہنمائوں کے مطابق لانگ مارچ عمران خان کا حق ہے لیکن سلامتی پر کوئی سمجھوتہ نہیں ہوگاجبکہ نئی تقرری کے معاملے پر بھی کوئی دباؤ قبول نہیں کیا جائے گا۔رہنماؤں نے عام انتخابات سمیت دیگر سیاسی فیصلے بھی مشاورت سے کرنے پر اتفاق کیا۔ رواں ماہ اہم تقرری کے حوالے سے قائد (ن) لیگ نوازشریف نے اتحادی جماعتوں کے رہنماؤں سے رابطے شروع کردیئے ہیں۔نوازشریف نے سابق صدر آصف زرداری، سربراہ جے یو آئی مولانا فضل الرحمان، اور بی این پی کے سربراہ اختر مینگل سے ٹیلیفونک رابطہ کیا، اور ملکی سیاسی صورتحال سمیت اہم تقرری کے معاملے پر مشاورت کی۔
