سڈنی ( این این آئی، مانیٹرنگ ڈیسک) جنوبی افریقہ کے سابق جارحانہ بیٹر اے بی ڈیویلیئرز نے کہا ہے کہ بھارت کے بیٹر سوریا کمار یادیو نہیں، میں ہی اصلی مسٹر 360 ہوں۔سماجی رابطے کی سائٹ ٹوئٹر پر جاری کیے گئے ویڈیو پیغام میں اے بی ڈیویلیئرز نے کہا کہ میں ابھی بھی مسٹر 360 ہوں اور سوریا کمار یادیو نیا مسٹر 360 ہے۔انہوں نے کہا کہ برائے مہربانی مسٹر 360 کا نام مجھ سے الگ مت کریں۔واضح رہے کہ ٹی ٹونٹی ورلڈ کپ میں اپنی شاندار بیٹنگ اور شاٹس سیلکشن کی وجہ مسٹر 360 کا لقب دیا جا رہا ہے۔دوسری جانببھارتی میڈیا سے گفتگو کرتے ہوئے اے بی ڈویلیئرز کا کہنا تھا بھارت ایک بہت ہی اچھی ٹیم ہے اور اس کے پاس ورلڈ کلاس بیٹرز اور پاور ہٹر موجود ہیں۔سابق جنوبی افریقی کرکٹر کا کہنا تھا مجھے پوری امید ہے کہ ٹی ٹوئنٹی ورلڈکپ کی ٹرافی بھارت اٹھائے گا۔