توہین عدالت کیس میں عدالت کا عمران کیساتھ برتاؤ بہت رعایتی تھا،ماہرین قانون نے انگلیاں اٹھا دیں
کراچی (این این آئی)جسٹس ریٹائرڈ رشید اے رضوی نے کہا ہے کہ توہین عدالت کیس میں عدالت کا عمران خان کے ساتھ برتاؤ بہت رعایتی تھا۔
ایک انٹرویرومیں جسٹس ریٹائرڈ رشید اے رضوی نے عمران خان توہینِ عدالت کیس سے متعلق گفتگو میں کہا کہ عمران خان نے عدالت میں الزام کا دفاع کیا۔
انہوںنے کہاکہ جب الزام کا دفاع کیا جاتا ہے تو غیر مشروط معافی کی گنجائش نہیں رہتی، معافی اور دفاع دونوں ساتھ نہیں چل سکتے، عدالت کا عمران خان کے ساتھ برتاؤ بہت رعایتی تھا۔
دوسری جانب معروف وکیل سلمان اکرم راجہ نے کہا کہ ابھی عمران خان پر فردِ جرم عائد نہیں کی گئی اس لیے انھیں موقع دیا گیا ہے کہ وہ معافی مانگ لیں۔سلمان اکرم راجہ نے کہا کہ انھیں معافی بھی مانگنی ہوگی اور عدالت میں جمع کرایا جانے والا اپنا پہلا جواب بھی واپس لینا ہوگا۔
