تیز رفتار چوری کا عالمی ریکارڈقائم
واشنگٹن(این این آئی)چوری کی وارتوں کی خبریں تو آئے روز آتی ہیں مگر چوری سے جڑی ایک تازہ خبر واردات کا تیز رفتاری سے انجام دینے کا واقعہ ہے۔
یہ واقعہ امریکا میں پیش آیا جہاں چوروں نے پینتالیس سیکنڈ میں جیولری کی دکان لوٹ لی۔
میڈیارپورٹس کے مطابق ریکارڈ وقت میں4 مسلح ڈاکوں نے دن کی روشنی میں نیو یارک سٹی، USA میں ایک زیورات کی دکان پر مسلح ڈکیتی کی۔ اس کے سیف کو تباہ کر دیا اور اس میں موجود زیورات لوٹ لیے۔
دکان کے اندر اور باہر لگے سی سی ٹی کیمروں میں چوری کی واردات کو دیکھا جا سکتا ہے۔ویڈیو میں دکھایا گیا ہے کہ چوروں نے ماسک پہنے ہوئے تھے۔ انہوں نے 2 ملین ڈالر سے زیادہ کے زیورات چرائے ہیں۔
