اسلام آباد (مانیٹرنگ ڈیسک ،این این آئی)پی ٹی آئی کے امیدوارپرویز الٰہی کے وزیر اعلیٰ پنجاب بننے کی خوشی میں عمران خان کے ٹائیگر نے اپنے بچوں کی ٹنڈیں کرادیں، تفصیلات کے مطابق پرویز الٰہی کے جیتنے کی خوشی میں پی ٹی آئی کے ٹائیگرز نے لاہور میں جشن منایا ۔
اس موقع پر ایک ٹائیگر نے اپنے بچوں کی ٹنڈیں کرادیں ، شہری کا کہنا تھا کہ وہ پرویز الٰہی کی کامیابی پر بہت خوش ہیں ، اسی خوشی میں اپنے دونوں بچوں کی ٹنڈیں کرادی ہیں،میں بچوں کی ٹنڈیں کرانے کے حق میں نہیں تھا ، میں نے سوچ رکھا تھا جب تک پی ٹی آئی کامیاب نہیں ہوتی ، بچوں کی ٹنڈیں نہیں کرائوں گا۔فیصلہ ہمارے حق میں آیا ، پنجاب کے بعد وفاق میں بھی جلد عمران خان کی حکومت ہوگی،یاد رہے کہ سپریم کورٹ نے وزیراعلیٰ پنجاب کے انتخاب کے حوالے سے ڈپٹی اسپیکر دوست محمد مزاری کی جانب سے مسلم لیگ(ق) کے 10 ووٹ مسترد کرنے کی رولنگ کالعدم قرار دیتے ہوئے پاکستان تحریک انصاف کے امیدوار چوہدری پرویز الہٰی کو نیا وزیراعلیٰ قرار دیدیا اور کہا ہے کہ ڈپٹی اسپیکر کی رولنگ کا کوئی قانونی جواز نہیں، پنجاب کابینہ بھی کالعدم قرار دی جاتی ہے، حمزہ شہباز اور ان کی کابینہ فوری طور پر عہدہ چھوڑیں،حمزہ شہباز کی جانب سے بطور وزیر اعلیٰ تقرریاں بھی کالعدم دی جاتی ہیں ۔
