ضمنی انتخابات سے قبل ن لیگ کو بڑی کامیابی مل گئی
لاہور (آن لائن) اہل سنت کی تین بڑی تنظیمات نے ضمنی انتخابات میں مسلم لیگ (ن) کی حمایت کا اعلان کر دیا ہے،
حمایت کرنے والی تنظیمات میں نعیمین ایسوسی ایشن، جمعیت علمائے پاکستان (نورانی گروپ) ، جمعیت علمائے اہل سنت شامل ہیں۔
تفصیلات کے مطابق جامعہ نعیمیہ کے فضلاء کی نمائندہ تنظیم نعیمین ایسوسی ایشن پاکستان کے مرکزی رہنما مفتی قیصر شہزاد نعیمی،
جنرل سیکرٹری مولانا مفتی شفقت علی یوسفی، مولانا محمد امین نعیمی، مولانا مبشر نعیمی، علامہ تنویر شاکر،
علمائے اہل سنت کے مرکزی رہنما مفتی نعیم احمد صابری، جے یو پی کے علامہ رمضان سعیدی نے گزشتہ روز اپنے مشترکہ بیان میں کہا ہے کہ
پنجاب بھر میں ہمارے کارکن ضمنی انتخاب میں مسلم لیگ (ن) کو ووٹ دیں گے ، ملکی حالات کا تقاضا ہے کہ
سیاست استحکام کی طرف بڑھا جائے، جمہوری قوتیں مضبوطی کے ساتھ مسلم لیگ ن کے امیدواروں کی حمایت کریں ،
رہنمائوں کا مزید کہنا تھا کہ مشکل حالات میں وزیراعظم پاکستان کی طرف سے پٹرولیم مصنوعات کی قیمتوں میں کمی خوش آئند ہے،
امید ہے کہ حکومت مزید عوام کیلئے ریلیف پیکیج لائے گی۔ضمنی انتخاب میں مسلم لیگ ن کے امید وار بھاری اکثریت سے کامیاب ہونگے۔
