فیصل آباد(آن لائن) پاکستان مسلم لیگ ن کے مرکزی رہنما سابق وفاقی وزیرمملکت طلال چوری،سابق صوبائی وزیر ممبر صوبائی اسمبلی سردارخلیل طاہرسندھو سمیت مسلم لیگ ن کے موجودہ وسابق اراکن اسمبلی اوررہنماؤں نے میاں حمزہ شہبازآج عددی برتری کے ساتھ پھر
وزیراعلیٰ منتخب ہوں گے۔ایوان میں 177 اراکان وزیراعلیٰ کے ساتھ ہیں اوراُنہیں 9ووٹوں کی برتری حاصل ہے۔بلے کی اب بلے بلے نہیں۔عوام کی اکثریت مسلم لیگ ن کے ساتھ اورمیاں نوازشریف کی حامی ہے۔گجراتی اسپیکرنے کئی ماہ سے جس طرح بحران پیداکیااوراسمبلی میں بدمعاشوں سے تصادم کی راہ اختیارکی آج اگرپھرغنڈہ گردی اورکسی رکن کوروکنے کی کوشش کی گئی تواینٹ کاجواب پتھرسے ملے گا۔پرویزالٰہی کی وزیراعلیٰ بننے کی کبھی خواہش پوری نہیں ہوگی وہ بازواُٹھاکرروتے رہیں گے، پاکستان مسلم لیگ ن کے مرکزی رہنما طلال چوری،سابق صوبائی وزیر ممبر صوبائی اسمبلی سردارخلیل طاہرسندھو،میاں عبدالمنان،راناعلی عباس خاں،چوہدری شفیق احمدگجر، ،مسلم لیگ ن کے ضلعی صدرمیاں قاسم فاروق، چوہدری فقیرحسین ڈوگر،سردارخلیل طاہرسندھو،مسلم لیگ ن یوتھ ونگ پنجاب کے نائب صدرخواجہ اسداعجازمنا،حاجی اکرم انصاری اورحاجی شیخ ذوالفقاراحمد نے کہاکہ عدالتی فیصلہ درست ہے میاں حمزہ شہبازکونہ عہدے سے ہٹایاگیا ہے نہ الیکشن کوکالعدم قراردیاگیا ہے بلکہ اُن کے جمہوری اورقانونی طریقہ کے مطابق تحفظ دیاگیا ہے۔وہ کل بھی وزیراعلیٰ تھے اورآج بھی رہیں گے۔فیصلے پرجشن منانے والے24گھنٹے بعدپریشان دکھائی دیں گے۔اُنہوں نے کہاکہ اُن سمیت مسلم لیگی تمام ارکان اوراتحادی100فیصد حمزہ شہبازکے ساتھ ہیں۔20حلقوں میں ہونے والے الیکشن نتائج کااُسے علم ہے اس لئے اپنے دورمیں معاشی اوراب سیاسی بحران پیداکرنے کی کوشش کی گئی۔17جولائی کے بعد عمران خان کابیانیہ زمین بوس ہوجائے گا۔اُن کاکہناتھاکہ عمران ٹولہ جمہوریت کے خلاف سازش کے علاوہ کچھ نہیں کرسکتا۔
