ٹیکسٹائل ملز کو گیس تاحال بند
لاہور(این این آئی) سوئی ناردرن کی جانب سے پنجاب بھر میں ٹیکسٹائل ملوں کو گیس کی فراہمی تاحال بند ہے، گیس نہ ملنے سے پنجاب کی ٹیکسٹائل ملز بند ہونے لگیں، مزدور بیروزگار ہوگئے۔سوئی ناردرن نے کہا کہ سپلائی دو دن کیلئے معطل کی گئی جبکہ اپٹما نے کہا کہ پیداواری استعداد 35فیصد کم ہوگئی، طویل اور غیراعلانیہ لوڈشیڈنگ سے صنعتی اداروں کو بجلی پہلے ہی دستیاب نہیں۔اس حوالے سے ذرائع کا کہنا ہے کہ درآمدکردہ ایل این جی سسٹم میں بروقت شامل نہ کرنے پرگیس کی قلت ہوئی، گیس بحران کے خاتمے میں کئی دن لگ سکتے ہیں۔سوئی ناردرن گیس کے مطابق کیپٹو پاور پلانٹ استعمال کرنے والی ٹیکسٹائل ملز کی گیس بندکی گئی، ایل این جی جہاز لنگرانداز ہونے کے بعد گیس کی قلت ختم ہوجائے گی۔
